Atgyfeiriadau cleifion allanol, Ebrill 2012 ymlaen

Disgwylir y diweddariad nesaf:23 Hydref 2025

Diweddariadau

• 23ain Hydref 2025: Set ddata a gyhoeddwyd gyntaf.

Prif wybodaeth

• Dynodiad: Gwybodaeth reoli
• Darparwr data: Iechyd a Gofal Digidol Cymru (DHCW)
• Ffynhonnell y data: Set Ddata Atgyfeiriad Cleifion Allanol (OPR)
• Cyfnod amser dan sylw: Ionawr 2012 i Rhagfyr 2025

Trosolwg

• Crynodeb o’r set ddata a newidynnau:

  Mae'r tabl hwn yn darparu cyfanswm y atgyfeiriadau cleifion allanol a wnaed bob mis.

  Mae ‘atgyfeiriadau gan Feddygon Teulu’ yn cwmpasu atgyfeiriadau gan Feddygon Teulu ac Ymarferwyr Deintyddol Cyffredinol.

  Mae’r data ar Atgyfeiriadau yn y Set Ddata Atgyfeiriadau Cleifion Allanol (OPR DS) yn cael ei ailgyflwyno bob mis. O ganlyniad, mae data yn y cyhoeddiad ac yn StatsCymru yn cael ei ddiwygio i adlewyrchu hyn. Mae effaith y diwygiadau i’w weld yn y cyhoeddiad diweddaraf.

• Cyfrifo neu gasglu data:

  I weld y wybodaeth hon, dilynwch y ddolen i’r cyhoeddiad ystadegol perthnasol.

  O 1 Ebrill 2019, symudodd darpariaeth gwasanaeth iechyd trigolion awdurdod lleol Pen-y-bont ar Ogwr o Abertawe Bro Morgannwg i Gwm Taf. Newidiodd enwau’r byrddau iechyd, gyda Bwrdd Iechyd Prifysgol Cwm Taf yn dod yn Fwrdd Iechyd Prifysgol Cwm Taf Morgannwg, ac Abertawe Bro Morgannwg yn dod yn Fwrdd Iechyd Prifysgol Bae Abertawe. Am ragor o wybodaeth, cyfeiriwch at ddatganiad gan y Gweinidog dros Iechyd a Gwasanaethau Cymdeithasol (gweler ‘Adroddiadau Cysylltiedig’).

  Cyflwynwyd codau swyddogaeth triniaeth newydd ym mis Ebrill 2016, ond ni chawsant eu defnyddio'n gyson ar draws pob Bwrdd Iechyd Lleol i ddechrau; er enghraifft, efallai y cofnodwyd cleifion sy’n derbyn llawdriniaeth fasgwlaidd naill ai o dan swyddogaeth triniaeth 'Llawdriniaeth Gyffredinol' neu 'Llawdriniaeth Fasgwlaidd'. Er mwyn lleihau ansicrwydd a gwneud y cyfrif yn fwy dibynadwy, cafodd y codau swyddogaeth triniaeth newydd eu tynnu dros dro a chofnodwyd y swyddogaethau triniaeth o dan y penawdau mwy cyffredinol nes cadarnhawyd cofnodi cyson ar draws pob Bwrdd Iechyd Lleol. Gweithredwyd hyn yn ôl i Ebrill 2016.

• Ansawdd ystadegol:

  Dewch o hyd i’r wybodaeth hon yn y datganiad ystadegol cysylltiedig, yn ôl y ddolen we a roddwyd.

  Sylwch fod y data sydd wedi’i gynnwys yn y set ddata hon yn cwmpasu cyfnod amser yn ystod pandemig y coronafeirws (COVID-19), a gafodd effaith ar y ffordd yr oedd rhai gwasanaethau’r GIG yn cael eu darparu a dewisiadau pobl ynghylch gwasanaethau iechyd. Gweler y datganiad diweddaraf am ragor o wybodaeth.

  Ni chyflwynodd Hywel Dda unrhyw ddata ar gyfer codau triniaeth iechyd meddwl o fis Awst 2020 oherwydd y prosiect Ymfudo Iechyd Meddwl. Yn y misoedd ar ôl y pandemig, roedd hyn yn cyfrif am rhwng 90 a 180 o atgyfeiriadau, ond cyn y pandemig, byddai hyn wedi cyfrif am tua 240 o atgyfeiriadau y mis.

  Roedd ‘Niwroffisioleg Glinigol’ yn cael ei adnabod yn flaenorol fel 'Obstetreg (ar gyfer cleifion sy'n defnyddio gwely)'. Cyn Ebrill 2016, cofnodwyd rhai atgyfeiriadau cleifion allanol yn anghywir o dan y swyddogaeth driniaeth hon. Mewn achosion eraill, efallai y bu camddealltwriaeth o'r diffiniad 'cleifion sy'n defnyddio gwely'.

  Mewn ymateb i bandemig COVID-19, sefydlodd Cwm Taf Morgannwg god gwasanaeth newydd i gasglu profion gwrthgyrff ac ymchwil. O ganlyniad, bu cynnydd yn nifer yr atgyfeiriadau ar gyfer clefydau heintus ym mis Gorffennaf 2020.

• Adroddiadau cysylltiedig:
  • Atgyfeiriadau GIG ar gyfer apwyntiadau cyntaf fel cleifion allanol [Saesneg]
  • Datganiad Ysgrifenedig: Ffin y byrddau iechyd ym Mhen-y-bont ar Ogwr: cynllunio cysylltiol [Saesneg]
  • Crynodeb perfformiad a gweithgaredd y GIG [Saesneg]
  • Atgyfeiriadau GIG ar gyfer apwyntiadau cyntaf fel cleifion allanol [Cymraeg]
  • Datganiad Ysgrifenedig: Ffin y byrddau iechyd ym Mhen-y-bont ar Ogwr: cynllunio cysylltiol [Cymraeg]
  • Crynodeb perfformiad a gweithgaredd y GIG [Cymraeg]

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.iechyd@llyw.cymru